جەلەسەی هەیئەت مۆدیرەی فدراسیون یارسان لە شار شوپینگ سوئد
لە هەلکەفت ١/١٠/٢٠١٦ لە شار شوپینگ فدراسیون یارسان کۆبینەوەی رەسمی هەیئەت مۆدیرە بردەرێوە.
لە هەنگاو ئەوەڵ سەهات ١١.٠٠لە لاێان سۆخەنگۆ فدراسیون کاک ئەلێ مێهرابی جەلەسەکە وە دەقەێک بی دەنگی وە خاتر گیان بەخت کردگەیل رێ ئازادی وە گشتی و کۆمەلگەێ یارسان وە تایوەت دەس وە کار خۆێ کرد. رەوڵ هەمیشە راپۆرت گشتی لە لاێان سۆخەنگۆ وە تەوزیهات کامل وە گۆش بەشداران رەسی. هەریەک لە ئەندامان راپۆرتێک لە سەر کار و چالاکیەکان کە وەپێان سپاریاوی تەوزیح دریا. لە دریژەێ دیدارەکە پلان و بەرنامە رێزی ئەرا ٣ مانگ ئایەندە خریا وەر باس و راوێژ کە لە خوار وە پێان ئشارە کریەد
خاڵ ئەوەڵ
١٩/١١/٢٠١٦ وەرێوە بردن مەراسم خاونکار ئەرا ئاگاداریتان ١١.١٢.١٣ لە مانگ نوامبر رۆژە گریم
فدراسیون ئەرا ئی چالاکیە هەیئەتێک هەلوژان کە بکەفنە فتراق گردن لۆکال مۆناسب لە شارەکان شوپینگ،اسکیلستونا،نیشوپینگ،وستروس،.استکهلم و گۆتنبرگ .دیارە ئامادە کاری و تەمام ئەرکەکان جۆر مۆزیک و گۆرانی وێژ وبەش ئەمنیەتی کەفیدە سەر شان هەیئەت ئنتخاب بی.
جێ ئاماژەس لە مەرسم خاونکار گرۆه مۆسیقی بال وەشان وە دەنگ رەسەن تەمۆیرە مەراسمەکە واز کەن.گرۆه باڵ وەشان گرۆپێکە وە سەرپەرستی ئۆستاد مۆسیقی کاک کەیوان کەیانیان کە لە بار خزمەت وە مۆزیک رەسەن جێ پەنجەیان دیارە هەم لە ناو ولات و هەم چەندین ولات ئرۆپای و ئەمریکای کۆنسرت بردنەسەرێوە و ئیمسالێچ گەشتێک دێرن لە ناو ولاتەیل سۆئد..فنلند،نروژ.المان.هلند و چندین ولات تریچ ئەرا بەرگۆزاری کۆنسرت. لە ئیرە وە ئتلای ئێوەێ ئەزیز رەسنیم لە سۆئد لە لاێان فدراسیون یارسان همایەت کریانە تا کۆنسرتێک لە استکهلم و گۆتنبرگ ئجرا بکەن دیارە بەشداریتان نیشانەێ تەشویق ئەرا گرۆپ باڵ وەشان ئەرا پارێزان و زنەوە کردن مۆزیک رەسەن کۆردەواری.همێواریم وە بەشداریمان نیشان دەیم چەنێک وەزن ۆ بایخ دەیمنە کۆمەلگەی یارسان و مۆزیک کۆردی.
خال دوم
فدراسیون هەوڵ دەێت تا بتوانێد نەزرێک دەسە جەمی داشتۆیمن ئەرا ئی وەزیفەێچە دۆستانێک هەلوژیانە.
خال سوم
بریار دریاس لە نشەست ئایەندە لە هەر ئەنجۆمەنێک بەرپۆرس ئەنجومەن و لە یەک تا ٣ خانم کۆبینەوەێک بگریەد هەلبەت وەخت و شۆن و نەتیجە وە ئتلائتان رەسێد
خال چوار
جەشن قولتاس
لە ئیبارەوە باس کریاس تا بتوانیم ئەرا وەرێوە بردن جەشن قولتاس مەراسم بگریم.