هەشت مارس رۆژ جەهانی ژن
لە ئی رۆژە لە ئەکسەر ولاتان جەهان وە سەربەرزیوە ٨ مارس جەشن رۆژ ژن بەرپا کریەد. ٨ مارس رۆژیکە کە ژنەیل دۆنیا بی لە وەر چەو گردن گرایش جۆراوجۆر فکری. باوەری. نژادی. و….. وە یاد و ئفتخارات دەسکەفتەکان و پیرۆزیەکانیان وەگەرد یەکا جەشن گرن و ئی رۆژە پیروز کەن. لە هەقیقەت ئی رۆژە فۆرسەتێکە کە ئەرا چەو کیشان وە گۆزەشتە لە مەسیر تەلاشەکان، گیرگرفتەکان ،فەئالیەتەکان وەرین و مۆهمتر ئەرا بەرنامەریزی پێشرەوی لە ئایەندە و هەلگردن وەربەستەکان لە سەر رێ هەنگاو نەسڵ تازە ژنان لە ئایەندە.
دەلیل هەلوژانن ٨ مارس جۆر رۆژ جەهانی ژن
سالانە ملیونها ژن و پیاگ لە تەمام نۆقات جەهان لە رۆژ ٨ مارس وە پاێ توانا و فۆرسەت لە ئی رۆژە جەشن گرن هەلوژانن ٨ مارس وە نیشانەی رۆژ ژن وە ی ماناسە کە وە خاتر مۆبارزە ژنەیل کارگەر کارخانە نساجی کەتان لە سال ١٨٥٧ میلادی لە شار نیویورک ئەمریکا لە ژێر شەرایت سەخت کاری و رەفتار قەێر ئنسانی و دەسمۆزد کەم و جیاوازی رەگەزی واداریان کرد کە دەس بێەنە ئئترازێک مۆنەزەم لە زد بێ عدالەتی و تەمام ژنەێل کارخانە دەس دانە اعتساب دەسە جەمعی و ئی نارەزایەتیە لە تەمام دۆنیا پەرە سەند.
لە شؤن پەنجاه ساڵ جارێکتر ژنەێل کارگەر کارخانە نساجی وە یاد رۆژ قەیام لە دژ بی عدالەتی دەس دانە اعتساب ولە ئی رۆژە یاد کردن، ئەما لە تەرەف کارفەرما ئەرا کۆنترڵ ئترازەکە تەمام کارگەرەێل ژن دەسوەسەر کرد و لە شونێ کارخانەکە وە دالایل نامعلۆمێک ئاگر کرد کە بیە بایس گیان باخت کردن ١٢٩ ژن.
هەلوژانن رۆژ ژن
لە دۆمین کۆنفرانس ژن لە ئرۆپا کە زیاتر لە ١٠٠ ژن لە تەمام نقات جەهان لە تی بەشدار بین وە پێشنەهاد خانم کلارا زتکین لە رۆژ ٢٧/٠٨/١٩١٠ میلادی لە شار کۆپێنهاک پایتەخت ولات دانمارک ٨ مارس رۆژ جەهانی ژن هەڵوژیا
.
لە درێژای ئی سالانە لە ولاتان دۆنیا هەمیشە دەنگ نارەزایەتی لە سەر بی حورمەتی وە حقوق ژن وە گۆش جەهانیان رەسیە و چەندین رێکخراو ئەرا داکۆکی لە ماف ژن لە بوار جوراوجۆر دەس داسە فعالیەت فرە سەرکەفتنیچ وە دەس هاوردنە.
نەخش ژن لە کۆلتۆر کۆردەواریا وەداخوە فرە بایخ نەیریاسە پێ بگر فرە جاریچ لە برێک بواروە وەربەس ئەرای دورس بیە لە فرە کار و چالاکیەکەن مەحرۆم کریانە و هیچ دەسلات یا لایەنێک نەویە پالثشتیان بکەێ تا وە مەرام خۆێان برەسن. دەلیل ئەسلی کەفێدە سەر شان کۆلتۆر پیاگسالاری و مەسەڵەێ ئائینی وە لە ئەین هال خانەوادەیش بەشیک لە ئی ناعدالەتیە کەفێدە سەرشانێ. ئەما فەرامۆش نەکەیم ئائین یاری هەمیشە لە مەسەلەێ جیاوازی بەین ژن و پیاگ وە دۆیر بیە و هومیشە یەکسانی لە وەر چەو گردگە لە هەر سەردەمێک ژنان دەور خاس خۆێان داشتنە. دیاره تاسیرات هاوساکان لە فرە ناوچە بایس بیە کە کۆلتۆر پیاگسالاری وارد کۆمەلگەێ یارسان بۆد
جێ ئاماژەس ژن کۆر ئیسە وە مەقامێک رەسیە نە تەنیا ئەرا دەفاه لە ماف و حقوق ژن بەلکۆ دەفاه لە ئاو، خاک و ولات دەس داسە چەک و روژانە هانە سەنگەرەکان شەرەف پاوە پاێ براکانیان لە وەرانوەر داگیرکەر پا دانەسە گەز و تا ئاخرین قەترە خۆینێان لە
،خاک دەفاه کەن. وە خۆین خۆێان کۆرد وە دۆنیا ناسانن دیار ژنان کۆبانێ و ئەفرین بینە ناسنامە ئەرا کۆرد
ئیمە جۆر کۆمەلگەێ کۆرد مەدیونانیم وە ۆیچ وەخت لە تاریخ کۆرد ئی فداکاریە فەرامۆش ناکەیم بەلکۆ لازمە وەس سەبت برەسێد شەرڤانان سونبول ژن کۆردن وئفتخار وەپێانوە کەیم.
رۆژ جەهانی ژن کۆرد رۆژ سەرکەفتنە لە کۆبانی وئەفرین
رۆژ ژن لە تەمام ژنان وە گشتی و شەرڤانان سەنگەر شەرەف وەتایوەت تەبریک ویشیم
فدراسیون یارسان
١٨/٠٢/٢٠١٨