دیدار هەیئەت مۆدیرە فدراسیون یارسان وە گەرد کاک کەێوان کەێانیان سەر پەرس گرۆپ مۆسیقی سۆنەتی (باڵ وەشان) لە ئستۆکهۆلم
لە هەلکەفت ٢٤/٠٨/٢٠١٦ هەیئەتێک لە فدراسیون یارسان پێک هاتگ لە هەر یەک لە بەرێزان کاک ئەلی مێهرابی،کاک مۆستەفا ئەکبەری وکاک کۆرۆش خۆدامۆرادی وە نیەت دیدار وە گەرد کاک کەێوان کەێانێان سەرپەرس گرۆپ مۆسیقی ( باڵ وەشان )ئەرا بەرنامە رێزی ساز کردن کۆنسرتێک لە شارئستکهلم لە مانگ دسامبر دیدارێک ئەنجام دان. لە ئی دیدارە چەندین شەخسیەت سەر شناس ئیرانی پێک هاتگ لە هەر یەک لە رێزداریل اقای رضا مجلل ، اقای مجید گۆلبچە و خانم زینب پیرنژاد بەشدار بین.مێواندارو بەرنامەڕێزی ئی دیدارە خانم زینب پیرنژاد بی .
جێ ئاماژەس گرۆپ مۆسیقی بالوەشان لە چەندین ولات تا ئیسە کۆنسرت پێشکەش کردنە وتمام زامەتەکانێان جێ قەێرزانی و ستایشە. فدراسیون یارسان وە ئەرک سەرشان خۆێ زانێد ک لە ئی بوارە بتوانێد کار ئاسانی و هاوکاری وەگەرد گرۆپە( باڵ وەشان) بکەێد تا لە چەن شار سوئد کونسرت ئجرا بکەن تا لە تەریق دەنگ زەڵاڵ تەمۆیرە بەشێک لە کۆلتویر و مۆسیقی رەسەن یارسانی برەسنێدە گۆش هەواداران مۆسیقی رەسەن و بەشداران ۆهەمزەمان دەولەمەنی کۆمەلگەێ یارسان لە بوار مۆسیقی مارفی بکەێد.
لە ئتلائیە دۆم شۆن و وەخت کۆنسرتەکان لە سەر سایت و فیسبۆک فدراسیون یارسان لە دەسرەس ئێوەێ رێزدار قەرار گرێد
٢٤/٠٨/٢٠١٦