تاریخ 2019/04/28 سمینارێک لە سەر تاریخ و پێشینەی باوەڕ یارسان لە لایەن ئەنجومەن ئایینی پردێوەر وە هاوکاری فدراسیون یارسان لە کونگسێنگن ستوکهوڵم وە بەشداری زانا و تویژەر یارسانی “تەیب تاهری” وەڕێوە چی. سمینارکە سائەت 13:00 وە دەقیقەێک بێدەنگی وە یاد گشت گیانبەختکەرەیل ڕێ ئازادی و ئنسانییەت دەس وەپی کرد. کاک قەنبەر خوسرەوی وە ژەنین تەمویرە و خوەنین چەن بەندێک کەڵام فەزای تایبەتێک ئامادە کرد ئەڕا گووش دایین وە باسەیل دەوڵەمەن و سەمیمی سمینارەکە. دیارە هەر خود کاک قەنبەر خوسرەوی سمینارەکە وەڕێوە بردیا. ئوستاد تەیب تاهری ئەڕا ماوەی چهل و پەنج دەقیقە باسێک زانستیانە و وەنرخ پێشکەش کردە بەشداران. لە شوون باسەکە بەشداران وچانێک دان و ئەوسا بەش پرسیار و پێشنیار و خەسارناسی چەن سەد ساڵەی کەفتن و سەرهەڵدان یارسانەکان بییە بەش کوتایی سمینارەکە. ئوستاد تەیب تاهری شارەزای ئایین یارسان تا ئیسە چەن ئەسەر لە باوەت ناساندن ئایین یاری و تایبەتمەنییەیل مەردم یارسان وە قەڵەم پڕبار خوەی خەڵق کردێیە. کووکردنەوە و چاپ “سەرەنجام و زەبوور حەقیقەت” نموونەیک لەو کارەیل ماندگارەسە. ئوستاد تەیب تاهری شارەزاترین کارناس یارسانیە لە بوار یارسانناسی و پێشینەی باوەڕ یارسانیان و هەر لەێوا یەکیک لە بەهرەمەنترین نویسەرەیل ئی بوارەسە. هەر لە پەیوەندی ناساندن مەردم یارسان لە چەن وڵات، بەتایبەت لە دانشگا و ناوەندەیل ئاکادمی چە ندین سمینار و جەلەسات زانستی لە سەر یارسان داشتیە. سمینارە ستوکهوڵم یەکیک لە دەوڵەمەنترین سمیناریەل مەردم یارسان لە سوێد بی ک ئەڕا جار ئەوەڵ مەردم یارسان لە زوان کارشناسێک یارسانی و لە جنس خوێان باسێک ڕەوشەنگەرانە و پڕ لە پرسیار و پێشنیار بردنەڕێوە. ئومێدەواریم لە شارەیل تر وڵات سوێد، سمینارەیل خاستر و شایستە تر ئەڕا ئوستاد تاهری بەرگوزار بکریەیت. لە شوون چوار سائەت سمینار پڕبەهەم و پرسیار و جواو لە ناو شوور و شەوق بەشداران خاتمە پەیا کرد و خوەیشکەیل و برایەیل هازر لە سمینار، فرە وە گەرمی قەێرزانی کردن لە کاک تەیب تاهری و دڵگرمێ کردن ئەڕا سمینار و جەمبینەیل تر. سپاس ئەڕا ئەنجومەنەیل کرماشان، بيامه و یاران ئەرا میواندارییان. ئەنجومەن ئاینی پردێوەر. سوێد
تاریخ 2019/04/28 سمینارێک لە سەر تاریخ و پێشینەی باوەڕ یارسان لە لایەن ئەنجومەن ئایینی پردێوەر وە هاوکاری فدراسیون یارسان لە کونگسێنگن ستوکهوڵم
Chattkonversationen är avslutad
Dra länken/filerna hit
Släpp filerna här
Släpp länken här