وەیجورە وە ئاگاداری یاران و دوستان یارسانی ڕەسنیم کە وە داخ گرانێکوە دو جوان یارسانی لە گوتنبرگ سوئد وە دەس ناپاک کەسانێک کوشیان و بینە سەبەب خەمباری کومەڵگەێ ئیمە. دیارە ئیمە جور ئەندامان فدراسیون یارسان لە پەژارە و خەم بنەماڵەی روستەمی و ئومێدی خوەمان وە شەریک زانیم و داوای سەبر و سلامەتی ئەرا بازماندگانیان کەیم.
هەر لەێوا وە ی بونە وە ئاگاداری کومەڵگەێ یارسان ڕەسنیم کە مەراسم جەشن خاونکار ئیمسال لە لاێان فدراسیون یارسان بەرگوزار ناوت و مەردم توانن لە شارەکان پێشوازی لە خاونکار بکەن.
وەل حورمەت فرە فدراسیون یارسان لە سوئد.
٢٠١٦/١١/٠١